Түркістан облысында 600-ден астам мал құжатсыз тасымалданған

Фото: Оңалхан Өнерхан

Түркістан облысы патрульдік полиция батальонының қызметкерлері республикалық маңызы бар автожолдарда мал ұрлығының алдын алу және болдырмау мақсатында ауқымды рейдтік іс-шара өткізді, деп хабарлады Elordainfo.kz Polisia.kz-ке сілтеме жасап.

Тексеру жұмыстары тәулік бойы ұйымдастырылып, облыс аумағындағы негізгі бағыттар толық қамтылды. Жеті тәуліктің ішінде полицейлер мал тасымалдап бара жатқан 48 жеңіл және жүк көліктерін тоқтатты.

Нәтижесінде 38 көліктен тиісті құжаттарсыз тасымалданған 613 бас мал анықталды. Іс материалдары учаскелік полиция инспекторларына тапсырылып, әрбір дерек бойынша тексеру жұмыстары басталды.

Бұған дейін 19 жастағы бойжеткен әпкесінің алтын бұйымдарын ұрлап кеткенін жаздық.

#ІІМ