Мемлекеттік инспекторлорға кәсіпорындардың қызметін тоқтата тұру құқығы беріледі

Фото: Үкімет

Еңбек қауіпсіздігін қамтамасыз ету жүйесінде мемлекеттік бақылау жүйесін жетілдіру шеңберінде инспекциялық қызметтің тиімділігін арттыруға бағытталған жаңа шаралар әзірленіп жатыр, деп хабарлады Elordainfo.kz Үкіметке сілтеме жасап.

«Атап айтқанда, тексеру жүргізу туралы жұмыс берушілерді міндетті түрде хабардар етуден бас тарту ұсынылады. Сондай-ақ жұмысшылардың өмірі мен денсаулығына қауіп төнген кезде кәсіпорындардың жұмысын тоқтата тұру бойынша өкілеттіктер беру жоспарланып отыр», - делінген хабарламада.

Сонымен қатар жоспардан тыс тексерулер кезінде тексеру парақтарын толтырудан бас тарту ұсынылады, бұл бұзушылықтарды анықтау процесін жеңілдетіп, жеделдетуі керек.