2024 жылдың сәуір айынан бастап Keden ақпарат жүйесін енгізу басталды, ол бұрын қолданыста болған кедендік ақпарат жүйелері: «АСТАНА-1», Бірыңғай терезе және Кедендік автоматтандырылған ақпарат жүйесін алмастырады, деп хабарлады Elordainfo.kz.

Әсет Тұрысовтың айтуынша, Keden АЖ қазір жұмыс істеп тұр.

«49 интеграция жасалды, 357 мың кедендік декларация шығарылды, 5,5 млн халықаралық пошта жөнелтілімдері декларацияланды. Негізгі жаңалық – алдын ала хабарлау. Сондай-ақ, соңғы «Импорт-40» модулін іске қосу негізгі элемент болып табылады. Бүгінгі таңда сыртқы экономикалық қызметке қатысушылар ауысу жеңіл болуы үшін бұл модульді сынақтан өткізуде. Соңғы модуль іске қосылғаннан кейін Keden жүйесі бұрынғы үш жүйенің бәрін алмастырады», - деді спикер ОКҚ алаңында өткен баспасөз конференциясында.