Жалған нөмірмен көлік жүргізген Сәтбаев тұрғыны бес күнге қамалды

Фото: freepik.com

Сәтбаев қалалық сотында жалған нөмірмен көлік басқарған азаматқа қатысты әкімшілік іс қаралды, деп хабарлады Elordainfo.kz Ұлытау облыстық сотына сілтеме жасап.

«Сотта Әкімшілік құқық бұзушылық туралы кодекстің 590-бабы 4-бөлігіне қатысты іс қаралды. Сәтбаев қаласында Абай көшесінің бойында азамат Ш. өз көлігіне жалған мемлекеттік нөмір тағып жүрген. Істі қарау барысында құқық бұзушы кінәсін толық мойындап, жасаған әрекетіне өкінетінін айтты», - деп жазылған хабарламада.

Сот қаулысымен Ш. кінәлі деп танылып, оған 5 тәулік мерзімге әкімшілік қамаққа алу және 1 жыл мерзімге көлік құралын басқару құқығынан айыру түріндегі әкімшілік жаза тағайындалды.

Бұған дейін Семейде жалған нөмірмен жүрген көліктің айыппұлдары атыраулықтың атына келгенін жаздық.

#сот