Саясат Нұрбек «Тіл-Қазына» орталығының жаңартылған ғимаратымен танысты

Фото: Ғылым және жоғары білім министрлігінен

ҚР Ғылым және жоғары білім министрі Саясат Нұрбек «Тіл-Қазына» ұлттық ғылыми-практикалық орталығының жұмысымен танысып, ұжымымен кездесті, деп хабарлады Elordainfo.kz.

Министр тіл үшін қызмет етіп жүрген ғалымдардың еңбегін жоғары бағалап, қазақ тілінде жасанды интеллект құру – ортақ әрі аса маңызды мақсат екенін баса айтты.

Мемлекеттік тілдің қолданыс аясының кеңеюіне үлес қосып жүрген орталық қызметкерлерін келе жатқан Республика күнімен құттықтап, жаңартылған ғимаратта табысты еңбек етулерін тіледі.

«Тіл-Қазына» орталығында қызметкерлер үшін заманауи Open Space форматындағы ашық кеңістік қайта жабдықталып, жаңартылған ғимаратта конференц зал, кітапхана, демалыс және спорт бөлмелері ашылды.