Президент Таиланд Королін туған күнімен құттықтады

Фото: Ақорда

Мемлекет басшысы Қасым-Жомарт Тоқаев Таиланд Королі Маха Вачиралонгкорнды туған күнімен құттықтап, жеделхат жолдады, Elordainfo.kz Ақордаға сілтеме жасап.

Президент өз құттықтауында бұл мерекенің Таиланд Корольдігінің орнықты дамуының, сондай-ақ елдің ұлттық мұрасы мен рухани құндылықтарының айқын көрінісі ретінде Таиланд халқы үшін ерекше маңызға ие екенін атап өтті.

Қасым-Жомарт Тоқаев достық пен өзара қолдауға негізделген екіжақты ынтымақтастықты одан әрі нығайтуға бейіл екенін растады.

Сондай-ақ Мемлекет басшысы Маха Вачиралонгкорнға жауапты мемлекеттік қызметінде толайым табыс, ал Таиланд халқына амандық, құт-береке және өсіп-өркендеу тіледі.

Еске салсақ, бұған дейін Мемлекет басшысы Қаржылық мониторинг агенттігінің төрағасы Жанат Элимановты қабылдады.