Мүгедектігі бар адамдарға жеке көмекші бола алатын тұлғалар санаты кеңейтілуі мүмкін

Фото: Еңбек және халықты әлеуметтік қорғау министрлігінен

Еңбек және халықты әлеуметтік қорғау министрлігі жүріп-тұруы қиын бірінші топтағы мүгедектерге жеке көмекші қызметтерін көрсету қағидаларына өзгерістер енгізуде. Басқарма басшысының тиісті бұйрығының жобасы туралы ақпарат «Ашық НҚА» порталында жарияланған, деп хабарлады Elordainfo.kz.

Енгізілетін өзгерістерге сәйкес, 2026 жылғы 1 қаңтардан бастап қағидаларда зейнеткерлік жасқа толған адамдар өз жұбайының (зайыбының) жеке көмекшісі бола алатын тәртіп реттелетін болады.

Сондай-ақ бірінші топтағы мүгедектігі бар адамның және жеке көмекшісінің бір елді мекенде тұру қажеттілігін айқындайтын қосымша пункт пайда болады.

Бұйрық жобасы туралы ақпарат 2025 жылғы 11 тамызға дейін «Ашық НҚА» интернет-порталында қоғамдық талқылау үшін орналастырылды.