Референдум-2026

Мал ұрлығының алдын алу үшін не істеу керек

Мал ұрлығының алдын алу үшін не істеу керек

фото: freepik.com

Ауылдық жерлерде жиі кездесетін және қоғамға елеулі зиян келтіретін қылмыстардың бірі – мал ұрлығы. Полицейлер ұрлықтың алдын алу жолдарын ұсынды, деп хабарлады Elordainfo.kz Polisia.kz-ке сілтеме жасап.

Талдау көрсеткендей, мал ұрлығының басым бөлігі иелері қараусыз қалдырған жайылымдардан немесе шаруашылық құрылыстарынан орын алады. Көп жағдайда мал иелері мұқият қарамай, малды үй іргесінде немесе ауыл маңында күндіз де, түнде де қараусыз қалдырады.

Полицейлер ұрлықтың алдын алу үшін мынадай қарапайым ережелерді сақтауға кеңес береді.

Мал жайылымда ешқашан қараусыз қалмауы тиіс. Бақташы жалдау шығыны ұрланған бір ғана сиыр немесе жылқыдан келетін залалдан әлдеқайда аз.
Жайылым маңында пайда болған бөгде көліктер мен бейтаныс адамдарға назар аударып, олардың белгілерін есте сақтаған жөн. Қажет болса, ұялы телефонға түсіріп, көліктің тіркеу нөмірін, маркасын және түсін есте сақтап, полицияға хабарлау қажет.
Мал жоғалғаны анықталған бойда дереу полицияға хабарласу маңызды. Мұндай қылмыстарды «ізін суытпай» ашу әлдеқайда жеңіл. Әрбір мал иесі үй шаруашылығындағы жануарларды есепке алып, таңбалау немесе чиптеу шараларын жүргізгені жөн. Бұл ұрланған малды анықтауды жеңілдетеді.

#мал ұрлығы

Әлеуметтік желілерді бөлісіңіз

Ұқсас жаңалықтар

Жалған хабарлама үшін жауапкершілік қарастырылған

Бүгін, 15:51

Жалған хабарлама үшін жауапкершілік қарастырылған

15 наурыздағы референдум: басқа учаскеде қалай дауыс беруге болады

Бүгін, 11:06

15 наурыздағы референдум: басқа учаскеде қалай дауыс беруге болады

Әуе компаниясы Медина мен Жидда қалаларына репатриациялық рейстер орындауды жоспарлап отыр

Бүгін, 09:56

Әуе компаниясы Медина мен Жидда қалаларына репатриациялық рейстер орындауды жоспарлап отыр

Пробация бақылауын елемеген азамат бас бостандығынан айырылды

2 наурыз, 2026

Пробация бақылауын елемеген азамат бас бостандығынан айырылды