Астаналық зейнеткерлер республикалық турнирде жеңіс тұғырынан көрінді

Фото: Астана қаласы әкімдігінен

Көкшетау қаласында Қазақстан Республикасының Тәуелсіздік күніне орай белсенді ұзақ өмір сүру орталықтары арасында Республикалық спорт фестивалі өтті, деп хабарлады Elordainfo.kz қала әкімдігінің ресми сайтына сілтеме жасап.

Ауқымды іс-шара еліміздің әр өңірінен барған қатысушылардың басын қосып, аға буын өкілдері үшін спорттың, белсенді өмір салты мен бірліктің нағыз мерекесіне айналды.

Фестивальдің салтанатты ашылуында облыс әкімі Марат Ахметжанов құттықтау сөз сөйлеп, белсенді ұзақ өмір сүруді дамыту, аға буынның қоғамдағы рөлін арттыру және бұқаралық спортты қолдаудың маңыздылығын атап өтті.

Республикалық деңгейдегі жарыста елорданың атынан 18 адамнан құралған команда қатысты. Турнир екі күнге созылып, бес спорт түрінен өтті: тоғызқұмалақ, шахмат, үстел теннисі, асық ату, бес асық және спорттық би.