Бүгін таңертең Ақмола облысы Бурабай ауданы Баянбай ауылының маңында Астана-Петропавл бағытындағы рейстік автобус бұзылып қалды, деп хабарлады Elordainfo.kz.
Жүргізуші көмек сұрап құтқарушыларға хабарласқан.
ТЖД қызметкерлері оқиға орнына жедел жетіп, техникалық ақауы бар автобустан барлық жолаушыларды эвакуациялады. Адамдар теміржол вокзалына жеткізілді.
«Барлығы 35 адам эвакуацияланды. Олардың барлығы Өзбекстан Республикасының азаматтары екен. Ешкімге медициналық көмек қажет болған жоқ», - делінген хабарламада.
