Таяу Шығыстан 7,3 мыңнан астам қазақстандық елге қайтарылды

Қазақстан азаматтарын шиеленіс аймағынан эвакуациялауды ұйымдастырып жатыр, деп хабарлайды Elordainfo.kz Сыртқы істер министрлігіне сілтеме жасап.

ҚР Сыртқы істер министрлігі құзырлы мемлекеттік органдармен бірлесіп, Таяу Шығыстан азаматтарымызды қайтаруды жалғастырып жатыр. 

Эвакуация басталғалы бері резидент және резидент емес әуе компанияларының қолдауымен 7 300-ден астам қазақстандық елге қайтарылды. Әуе рейстерінен бөлек, азаматтарды эвакуациялау Әзербайжан, Армения және Түрікменстанның құрлықтағы мемлекеттік шекаралары арқылы да жүзеге асырылды.

Ведомтсовның мәлімдеуінше, өңірдегі Қазақстанның дипломатиялық өкілдіктері жергілікті жерде іс-қимылдарды үйлестіру жұмысын жалғастырып, отандастарымызбен тұрақты байланыс орнатқан.