LRT «Әуежай» станциясының сыртқы кіреберісі 25 күнге дейін жабылады

Фото: Астана халықаралық әуежайы

CTS компаниясының құрылыс жұмыстарын жүргізуіне байланысты Астана халықаралық әуежайы аумағындағы LRT «Әуежай» станциясының сыртқы кіреберісі уақытша жабылады, деп хабарлайды Elordainfo.kz Астана халықаралық әуежайының баспасөз қызметіне сілтеме жасап.

Кіреберіс шамамен 20-25 күнге жабылады. Бұл ретте әуежайдың 2-терминалын LRT станциясымен байланыстыратын жабық өткел жолаушылар үшін ашық болады.

«Жолаушыларға сапарын жоспарлау кезінде осы өзгерісті ескеріп, әуежайға алдын ала келу ұсынылады», – делінген хабарламада.

Естеріңізге сала кетейік, бұған дейін 2035 жылға қарай елордада Tarlan Astana көлігінің үш бағытын іске қосу жоспарланып отырғанын жаздық.