Ақтөбеде 10-нан астам тұрғынды алдап, 100 млн теңгені жымқырған күдікті ұсталды, деп хабарлады Elordainfo.kz Polisia.kz-ке сілтеме жасап.

Полиция алаяқтық фактісі бойынша қылмыстық істі тергеп жатыр.

«Тергеу барысында көрші облыстың тұрғыны пәтерге жөндеу жұмыстарын жүргіземін деп бір жыл ішінде 10-нан астам ақтөбелікті алдап, олардың қаражатын иемденгені анықталды.Күдікті жәбірленушілерден алдын ала төлемді қолма-қол алып, кейін оларға хабарласуды тоқтатқан. Келтірілген жалпы материалдық шығын 100 млн теңгеден асады», - деп жазылған хабарламада.

Қазіргі уақытта күдікті ұсталып, уақытша ұстау изоляторына қамалды.