Қазақстанда визалық режим жеңілдетілді. Қазірдің өзінде  80 астам мемлекеттің азаматтары елге визасыз кіре алады. Бұл туралы ІІМ Көші-қон қызметі комитетінің төрағасы, полиция полковнигі Аслан Аталықов ОКҚ өткен брифингте айтты, деп хабарлады Elordainfo.kz.

Оның айтуынша, 109 мемлекеттің азаматтары электрондық визаны онлайн форматта жасай алады.

«Қазіргі кезде 1 айға дейін туризм мақсатымен келетін шетелдіктерге ешқандай тіркеуге тұрудың қажеті жоқ. Олардың келгені туралы қабылдаушы тұлғалар ғана хабарлауға тиіс», - деді Аслан Аталықов.