Қазақстан Республикасының Ұлттық қорғаныс университетінде вице-адмирал Әли Абдулла Мұхаммед Әл-Шидидің басшылығымен Оман делегациясы болды, деп хабарлады Elordainfo.kz.

Іс-шараға Оманның Қазақстандағы елшісі Халид Хамед Мұхаммед Мүбәрәк Әл Ғайлани қатысты.

Шетелден келген қонақтар оқу процесін ұйымдастырумен, оқыту бағдарламаларымен және жоғары білім ордаларының материалдық-техникалық базасымен танысты. Бұдан бөлек олардың назарына ҚР Қарулы Күштері қызметінің құрылымы мен басым бағыттары туралы Қорғаныс министрлігі Стратегиялық даму департаментінің брифингі ұсынылды.

Кездесу соңында тараптар Қазақстан мен Оманның әскери оқу орындары арасындағы екіжақты ынтымақтастықты дамыту жайында келісті.