Баку қаласында (Әзербайжан) экономика, қаржы және кәсіпкерлікке қызығушылық танытатын мектеп оқушыларына арналған әлемдегі беделді International Economics Olympiad (IEO) зияткерлік сайысы өтті, деп хабарлады Elordainfo.kz.

Биыл олимпиадаға 55 елден 280-ге жуық қатысушы жиналды. Қазақстан құрамасы үздік нәтижемен әлемнің ең мықты командаларының қатарына енді және бизнес-кейс бойынша командалық кезеңде АҚШ, Жапония, Ұлыбританиядан келген қатарластарын басып озып, тамаша өнер көрсетті.

1-орын – Батырхан Мұхтархан Астана қаласындағы НЗМ-нің 10-сынып оқушысы;

2-орын – Әділет Абзалиев Астана қаласындағы НЗМ-нің 11-сынып оқушысы;  

2-орын – Нұрхан Төлеев Астана қаласындағы НЗМ-11-сынып оқушысы;

3-орын – Томирис Оспан Алматы қаласындағы Шоқан Уәлиханов атындағы мектептің 11-сынып оқушысы;

Құрмет грамотасы – Даниал Арыстан, Астана қаласындағы НЗМ-нің 11-сынып оқушысы.