Астанада полиция жүк көлігі жүргізушілеріне түсіндіру жұмысын жүргізді

Фото: Оңалхан Өнерхан

Астана қаласы полиция департаменті жүк көліктерінің жүргізушілері арасында кең ауқымды профилактикалық жұмыс жүргізіп жатыр, деп хабарлайды Elordainfo.kz.

Ақпаратқа сәйкес, профилактикалық іс-шаралар барысында полиция қызметкерлері жүк тасымалдаумен айналысатын жүргізушілер және көлік кәсіпорындарының өкілдерімен кездесу өткізіп, жол ережесін сақтау, көліктің техникалық жай-күйін бақылау, сондай-ақ жүргізушілердің еңбек және демалыс режимін сақтау мәселелері бойынша түсіндіру жұмысын жүргізіп жатыр.

«Жүргізушілерге жолға шығар алдында көліктің техникалық жарамдылығын тексеру, тежегіш жүйесінің, жарық беру құрылғысының, дөңгелектердің жағдайына назар аудару, сондай-ақ тасымалданатын жүктің дұрыс орналастырылып, сенімді бекітілуін қамтамасыз ету қажеттігі түсіндірілді. Ауыр салмақты және ірі габаритті жүктерді тасымалдау кезінде белгіленген талаптарды сақтау мәселесіне ерекше көңіл бөлініп отыр», делінген хабарламада.