Астанада зейнет жастағы азаматтарға арналған бос жұмыс орындары жәрмеңкесі өтеді, деп хабарлады Elordainfo.kz.
Жәрмеңке 19 желтоқсанда сағат 10:00 - 12:00 аралығында Қошқарбаев даңғылы, 29/1 мекенжайы бойынша орналасқан Белсенді ұзақ өмір сүру орталығында ұйымдастырылады.
«Құрметті зейнеткерлер! Сіздерді жұмысқа орналасу және қоғам өміріне белсене қатысу мүмкіндіктері ұсынылатын жәрмеңкеге шақырамыз. Қызықты жұмыс пен жаңа мүмкіндіктерді жіберіп алмаңыздар», - делінген Еңбек мобильділігі орталығының хабарламасында.
