Рамазан айында пойыздардағы вагон-ресторандар арнайы кесте бойынша қызмет көрсетеді

Қасиетті Рамазан айының басталуына байланысты «Жолаушылар тасымалы» АҚ пойыздарындағы вагон-ресторандар арнайы кесте бойынша қызмет көрсетеді, деп хабарлайды Elordainfo.kz ҚТЖ-ға сілтеме жасап. 

Аталған тәртіп 40 вагон-ресторанда енгізіледі.

«Вагон-ресторандар күн сайын сағат 8:00-ден түнгі 24:00-ге дейін қызмет көрсетеді. Ораза ұстаушыларға ыңғайлы болу үшін сәресі уақытында — сағат 04:00-ден 05:00-ге дейін ашық болып, жолаушыларға ораза басталғанға дейін таңғы астарын іше алады», - делінген хабарламада. 

Рамазан айында вагон-ресторандарда арнайы әзірленген мәзір топтамалары ұсынылады.

Ауызашар кезінде вагон-ресторандарда жолаушыларға су мен құрма тегін беріледі.
Бұл уақытта пойыздарда алкоголь өнімдері сатылмайды.