Елордада велосипедтерді жалға беру маусымы қашан аяқталады

Астанада 30 қыркүйекте қалалық велосипедтерді жалға беру маусымы ресми түрде аяқталады, деп хабарлайды Elordainfo.kz City Transportation Systems компаниясына сілтеме жасап.

Барлық станциялардағы велосипедтер 30 қыркүйектен 1 қазанға қараған түні сағат 00:00-де бұғатталады. Осыдан кейін велосипедтерді жалға алу мүмкін болмайды.

«Абоненттік төлем келесі маусымға сақталмайды, тек теңгерімдегі қаражат келесі маусымға ауыстырылады.

Қаласаңыз, теңгерімде қалған қаражатты Р.Қошқарбаев даңғылы, 50/1 мекенжайындағы CTS Орталық кассасынан қайтарып алуға болады», - делінген хабарламада.

Еске сала кетейік, елордада 2 автобустың қозғалыс сызбасы өзгерді.