Бейнеу – Құлсары теміржол өткелінде пойыз бен жүк көлігі соқтығысқан жол-көлік оқиғасы болды, деп хабарлады Elordainfo.kz «Қазақстан темір жолы» ұлттық компаниясына сілтеме жасап.

Компанияның Telegram-дағы ресми арнасында жарияланған ақпарат бойынша, 23 желтоқсанда Бейнеу – Құлсары теміржол өткелінде жүк көлігі пойызға соғылған.

«Қаза тапқандар мен зардап шеккендер жоқ», - деп мәлімдеді «Қазақстан темір жолы» ҰК» АҚ өкілдері.

Оқиғаның себептері мен мән-жайы анықталып жатыр.

«Автоматты жылжымалы дабыл құрылғылары дұрыс жұмыс істейді. Оқиғаның алдын-ала себебі – жүргізушінің жол ережесін бұзуы», - делінген компания өкілдері.