Алматыда «Реал» футболшыларын мыңдаған қазақстандық жанкүйер күтіп алды (ВИДЕО)

Фото: instagram/realmadrid

Алматыға Испанияның «Реал Мадрид» клубының футболшылары келді. Әуежайдан жұлдызды футболшыларды мыңдаған жанкүйер күтіп алды, деп хабарлады Elordainfo.kz.

«Корольдік клубтың» ойыншылары қаладағы InterContinental қонақүйіне жайғасты. Бұл – бес жұлдызды отель, ол Алматыдағы Орталық стадионнан небәрі 10 минуттық қашықтықта орналасқан.

Әлемнің ең атақты клубтарының бірі саналатын «Реалды» өз көздерімен көруге асық жанкүйерлер әуежайда жиналды. Полиция тәртіпті қадағалап, қауіпсіздікті күшейтті.

Оқи отырыңыз: «Қайрат» футболдан Чемпиондар лигасының негізгі кезеңіне жолдама алды

Еске сала кетейік, «Қайрат» – «Реал» ойыны Чемпиондар лигасының жалпы кезеңі аясында 30 қыркүйекте Алматыдағы Орталық стадионда өтеді.