Алматы қаласында ауыр атлетикадан VI Жастар спорттық ойындары басталды, деп хабарлады Elordainfo.kz.
Төрт жылда бір рет өтетін бұл ауқымды жарысқа еліміздің 17 өңірінен 212 спортшы қатысып жатыр.
Астана қаласының намысын қорғаған Едіге Емберді 81 келіге дейінгі салмақ дәрежесінде сынға түсіп, қоссайыс қорытындысы бойынша 334 кг (149+185) көтеріп, күміс жүлдеге ие болды.
Жастар спорттық ойындарында елордалық тағы бір спортшы жарыс жолына шығады.
Айта кетейік, VI Жастар спорттық ойындары 6 наурызға дейін жалғасады.
