Жәнібек Әлімханұлының жекпе-жегін «Qazaqstan» және «Qazsport» телеарналары тікелей эфирде көрсетеді

qazsporttv.kz

7 желтоқсан күні WBO және IBF тұжырымдары бойынша орта салмақтағы әлем чемпионы Жәнібек Әлімханұлы WBA тұжырымы бойынша әлем чемпионы Эрисланди Ларамен үш белбеуді сарапқа салады, деп хабарлады Elordainfo.kz.

Қазақстандық жанкүйерлер жекпе-жекті «Qazaqstan» және «Qazsport» телеарналарының тікелей эфирінен 7 желтоқсан күні таңғы сағат 06:00-де тамашалай алады.

Жәнібек Әлімханұлы мен кубалық боксшының жекпе-жегі Frost Bank Center аренасында, Техас штатының Сан-Антонио қаласында (АҚШ) өтеді.

Отандасымыз Астанада өткен соңғы жекпе-жегінде Анауэль Нгамиссенгені нокаутқа жіберіп, өз атақтарын қорғап қалған болатын.

Сонымен қатар жаһан жұрты асыға күткен бокс кешінде кіші Ламонт Роуч пен Исаак «Питбуль» Крус арасындағы жекпе-жек те өтеді.

Бұған дейін елордада ауыр атлетикадан Қазақстан чемпионаты басталғанын жаздық.

#Жәнібек Әлімханұлы – Эрисланди Лара

Әлеуметтік желілерді бөлісіңіз