Іздеу 
Нұрлан Сауранбаев: Елімізде 10 мың шақырым автожол мен 124 теміржол вокзалы жаңғыртылып жатыр
Жәнібек Амангелді
Президенттің елдің транзиттік-көлік әлеуетін дамыту жөніндегі тапсырмаларын жүзеге асыру шеңберінде Қазақстанда т/ж желілерінің, автожолдар мен авиахабтардың ауқымды құрылысы жүргізілуде. Бұл туралы Үкімет отырысында көлік министрі Нұрлан Сауранбаев баяндады, деп хабарлайды Elordainfo.kz Үкіметтің баспасөз қызметіне сілтеме жасап.
Министрлің айтуынша, соңғы бес жылда көлік саласының жалпы өнім көлемі 3 есеге өсті. Теміржолдың өткізу қабілетін арттыру үшін 754 шақырым жаңа желі салынып, 3 мың шақырым жол жаңартылып жатын. Биыл «Мойынты – Қызылжар», «Дарбаза – Мақтаарал» учаскелерінің құрылысы аяқталады, сондай-ақ Астана – Қарағанды желісінде үшінші жолды салу басталады. Сонымен қатар ел тарихындағы ең ауқымды 124 вокзалды жаңғырту бойынша әлеуметтік бағдарлама іске қосылды, оның алғашқы 30-ы 1 шілдеге дейін пайдалануға берілді.
Өзгерістер басқа бағыттарға да әсер етеді. Автожол саласында 10 мың шақырым жол жөнделіп жатыр. Сонымен қатар көлемнің жартысы кестеден бұрын орындалды. Аэрохабтарды дамыту жұмысы 6 ірі аэропорттарға бағытталған. Бұл ретте Астана әуежайын жаңғырту басымдыққа айналады – құрылыс жұмысы келесі жылы басталады.
«Жүк авиациясын дамыту еліміздің транзиттік әлеуетін күшейтеді, сондай-ақ халықаралық логистикаға қосуға мүмкіндік береді. Осыған байланысты мемлекет тарапынан қажетті шешімдер қабылданды. Сонымен қатар жүк авиациясын дамытуға арналған 5 жылдық жоспар әзірленді», - деді Нұрлан Сауранбаев.
Еске салсақ, жаңа Конституция қағидаттарын жүзеге асыру мақсатында елімізде тағы 18 заңды түзету өзделіп отыр.
