Қазақстанда құрылыс жұмыстарының көлемі ұлғайды

2026 жылғы қаңтар-қыркүйекте құрылыс жұмыстарының көлемі 2025 жылғы осы кезеңмен салыстырғанда 11,5%-ға ұлғайып, 7 812,3 млрд теңгені құрады, деп хабарлайды Elordainfo.kz Ұлттық статистика бюросына сілтеме жасап. 

Өсім ғимараттар мен құрылыстарды салу және жөндеу жұмыстары көлемінің 14,7%-ға артуына байланысты болды.

Есепті мерзімде орындалған құрылыс жұмыстарының (қызметтерінің) түрлері бойынша ең көп үлесті автомобиль, теміржолдары мен метролар (25%), тұрғын емес ғимараттар (21,5%) және тұрғын үйлердің (12,6%) құрылысы алады.

Өңірлік бөліністе республиканың 17 өңірінде құрылыс жұмыстары көлемінің ұлғаюы байқалады.
Еске салайық, бұған дейін елімізде өңдеу өнеркәсібінің өсімі тау-кен саласынан жоғары болатыны туралы жаздық.