Apple компаниясы iPhone смартфондарына арналған жаңа аксессуар - iPhone Pocket қалтасын таныстырып, желі қолданушыларының күлкісіне қалды, деп хабарлайды Elordainfo.kz.
Көпшілік қалташа бағасының тым қымбат екенін айтып, оны "230 долларлық жыртық шұлық" деп атаған. Кейбірі Apple не шығарса да, адамдар оны сатып алуға дайын екенін айтып сынап жатыр.
Apple баспасөз қызметінің мәліметінше, аксессуар жапондық сән бренді Issey Miyake-пен бірлесіп жасалған шектеулі серияға жатады. Өнім идеясы «қосымша қалта жасау» тұжырымдамасына негізделген. Қысқа баулы нұсқасы сегіз түсте, ұзын баулы нұсқасы үш түсте шығарылды.
