Алматыда балконнан секірмек болған әйелін күйеуі полицейлер келгенше ұстап тұрған

Фото: видеодан скриншот/Алматы қаласы ПД

Алматыдағы Сейфуллин даңғылындағы үйлердің бірінде әйел терезеден секіріп кете жаздады, деп хабарлайды Elordainfo.kz Алматы қаласының Полиция департаментіне сілтеме жасап.

Оқиға кеше сағат 17:00 шамасында болған.

«Патрульдік полиция қызметкерлері мен Түркісіб аудандық полиция басқармасының учаскелік инспекторы оқиға орнына жедел жетті. Полицейлер келген сәтте әйелді күйеуі бар күшін салып ұстап тұрған. Қызметкерлер пәтерге кіріп, әйелмен сенімді байланыс орната алды. Оны сабырға шақырып, қолайлы сәтті пайдаланып, күйеуімен бірге әйелді қайтадан пәтер ішіне кіргізді. Әйел аман қалды», - деп хабарлады Алматы қаласының ПД баспасөз қызметі.

Қазіргі уақытта оның мұндай ойланбай жасаған әрекетіне не себеп болғаны анықталуда.