Әділет министрлігі заңнаманы жетілдіру мақсатында зияткерлік меншік мәселелері бойынша кейбір заңнамалық актілерге өзгерістер мен толықтырулар енгізу туралы заң жобасын әзірледі., деп хабарлады Elordainfo.kz ortcom_kz-ке сілтеме жасап.
Жобада зияткерлік меншік құқықтарын қорғау және сақтау, зияткерлік меншікті дамыту үшін қолайлы жағдайлар жасау, инвестициялар тарту бойынша қосымша құқықтық тәсілдерді енгізу көзделген.
«Заң жобасы көру қабілеті бұзылған адамдардың жарияланған жұмыстарға қол жеткізу мүмкіндігін қамтамасыз ету, тауар белгілерін жедел тіркеуді енгізу, патенттік сенім білдірілген өкілдердің қызмет салаларын ажырату және т.б. бойынша түзетулерді қамтыды. Қазіргі уақытта заң жобасы Мәжілістің қарауында», - деді Зияткерлік меншік комитетінің төрайымы Шолпан Әбдіреева ОКҚ алаңында өткен баспасөз конференциясында.
