«Заң мен тәртіп» аясында балаларға арналған мультфильмдер шыға бастады

Видеодан алынған скрин

Халықаралық балаларды қорғау күніне орай Астана прокуратурасы қала әкімдігімен бірлесіп, балалар жарақатының алдын алу және жазғы демалыс кезеңіндегі қауіпсіз мінез-құлық қағидаларын насихаттауға арналған анимациялық бейнеролик әзірледі, деп хабарлайды Elordainfo.kz.

Мультфильмнің басты кейіпкері – Тәртіпбек. Ол балаларды қауіпсіздіктің негізгі ережелерімен қарапайым әрі қызықты форматта таныстырады.

Бейнеролик «Заң мен тәртіп» идеологемасы аясында жасанды интеллект технологияларын пайдалану арқылы дайындалды. Жоба балалардың қауіпсіздігі мен құқықтарын қорғауға бағытталған профилактикалық бейнероликтер сериясының бастамасы болмақ.