Президент Айбек Дәдебайдың жұмысына жоғары баға берді

Фото: akorda.kz

Мемлекет басшысы Президент Әкімшілігінің бұрынғы басшысы Айбек Дәдебайдың жұмысына жоғары баға берді. Бұл туралы Қазақстан Президентінің кеңесшісі – Президенттің баспасөз хатшысы Айбек Смадияров парақшасында жариялады, деп хабарлайды Elordainfo.kz.

«Қасым-Жомарт Тоқаев бұған дейін Президент Әкімшілігінің басшысы қызметін атқарып келген Айбек Дәдебайдың жұмысына жоғары баға беріп, зор ризашылығын білдірді.

Таяу уақытта елімізде ауқымды саяси науқан өтетіні белгілі. Осындай сындарлы сәтте Айбек Арқабайұлы Мемлекет басшысының арнайы тапсырмасы бойынша қоғамдық-саяси жұмыспен айналысады», делінген жазбада.

Еске сала кетсек, Мемлекет басшысының Жарлығымен Роман Скляр ҚР Президенті Әкімшілігінің басшысы болып тағайындалды.