Жеңіл атлетикадан бақ сынайтын отандасымыз Ольга Сафронова әлеуметтік желідегі парақшасында 3 Олимпиаданың салтанатты шеруінде киген киімдерін көрсетті, деп хабарлады Elorda.info.

Париж Олимпиадасының салтанатты ашылуында еліміздің көк туын алып шығатын Ольга Сафронова 2016, 2021, 2024 жылдардағы Қазақстанның салтанатты шеруге арналған киім үлгісін креативті түрде жұртшылық назарына ұсынды.

Спортшы видеода Лондон Олимпиадасының киімі сақталмағанын да айта кетті.

Естеріңізге сала кетейік, жеңіл атлетикадан Париж Олимпиадасындағы негізгі жарыстар 1-5 тамыз аралығында өтеді.