Жұмысшы мамандықтары жылы аясында Түркістан қаласында колледж студенттері арасында өткен республикалық «Еңбек кубогы – 2025» спартакиадасы өз мәресіне жетті, деп хабарлады Elordainfo.kz.

Жалпы командалық есеп бойынша:

• І орынға – Алматы қаласының командасы;

• ІІ орынға – Қарағанды облысының командасы;

• ІІІ орынға – Маңғыстау облысының командасы ие болды.

Естеріңізге сала кетейік, спартакиада аясында студенттер баскетбол, волейбол, футзал, шағын футбол, тоғызқұмалақ, шахмат және үстел теннисі сияқты спорт түрлері бойынша бақ сынасты.

Жеңімпаздар Оқу-ағарту министрлігінің дипломдарымен және кубокпен марапатталды. Үздік ойын көрсеткен студенттерге Қожа Ахмет Ясауи атындағы Халықаралық қазақ-түрік университеті мен Халықаралық туризм және меймандостық университетіне білім гранттарына сертификаттар табыстады. Сонымен қатар өңірдегі жетекші кәсіпорындар мен шаруа қожалықтары жұмысқа қабылдау туралы жолдамалар ұсынды.

Келесі «Еңбек кубогы – 2026» спартакиадасы Алматы қаласында өтеді.