Creative Aimaq: Астанадағы жәрмеңкеге екі күнде 1 500-ге жуық адам келді

Фото: Астана қаласы әкімдігі

Астанада өткен Creative Aimaq жобасы креативті индустриялардың өңірлік экономиканың перспективалы бағыттарының біріне айналып келе жатқанын тағы бір мәрте көрсетті. Екі күнге созылған жәрмеңкеде Абай облысының креаторлары авторлық өнімдері мен шығармашылық жобаларын елорда тұрғындары мен қонақтарына ұсынды, деп хабарлайды Elordainfo.kz қала әкімдігінің ресми сайтына сілтеме жасап.

Екі күн ішінде іс-шараға 1 500-ге жуық адам қатысты. Жәрмеңкеде келушілер назарына 842 авторлық туынды, оның ішінде 772 сәндік-қолданбалы өнер бұйымы мен 70 көркем шығарма ұсынылды.

Abai IT Valley алаңында өңірдің инновациялық әлеуетін танытатын IT-жобалар мен жасанды интеллект бағытындағы озық әзірлемелер көпшілікке таныстырылды.

Оқи отырыңыз: Астанада Creative Aimaq жәрмеңкесі өтеді

Creative Aimaq жобасы алдағы уақытта да креативті индустрияларды дамытуға, талантты авторларды қолдауға және Қазақстан өңірлерінің мәдени әлеуетін кеңінен насихаттауға үлес қоса береді.