Астана прокуратурасы қарттар үйінде мерекелік концерт өткізді

Фото: Астана қаласының прокуратурасы

Жеңіс күніне орай Астана қаласының прокуратурасы Қазақстан Республикасы Қорғаныс министрлігімен бірлесіп Destek қарттар үйіне барып, мерекелік концерт ұйымдастырды, деп хабарлайды Elordainfo.kz.

Іс-шара барысында қарттарға әлеуметтік көмек көрсетіліп, құқықтық түсіндіру жұмыстары жүргізілді.

Мерекелік кездесу барысында орталық тұрғындары үшін әскери қызметшілердің қатысуымен концерттік бағдарлама ұсынылды.

Сонымен қатар қарттар үйіне азық-түлік пен бірінші кезектегі қажетті заттар табысталды.

Ұйымдастырушылардың айтуынша, шараның негізгі мақсаты – аға буын өкілдеріне құрмет көрсету, ұрпақтар сабақтастығын нығайту және ардагерлер мен қарт адамдарға деген қамқорлық мәдениетін қалыптастыру.

Посмотреть эту публикацию в Instagram

Публикация от АСТАНА ҚАЛАСЫНЫҢ ПРОКУРАТУРАСЫ/ПРОКУРАТУРА ГОРОДА АСТАНЫ (@prokuratura.ast)

Сондай-ақ прокуратура қызметкерлері әлеуметтік осал санаттағы азаматтардың құқықтарын қорғау және құқық бұзушылықтардың алдын алу мәселелері бойынша түсіндіру жұмыстарын жүргізді.

Астана қаласының прокуратурасы алдағы уақытта да азаматтарды қолдауға және қоғамдағы әлеуметтік жауапкершілікті арттыруға бағытталған бастамаларды жалғастыратынын атап өтті.