Іздеу 
Ернұр Қайнар
Үкімет отырысында күн тәртібінен тыс жылыту маусымына дайындық барысы қаралды, деп хабарлайды Elordainfo.kz.
Бүгінде жылу 11 өңірде беріле бастады.
«Жылыту маусымы жоспарға сәйкес басталды. Оңтүстік және батыс өңірлерде жылу бекітілген кестеге және ауа райы жағдайына байланысты беріледі. Мен жылу көздері мен желілердің дайындығын 1 қазанға дейін қамтамасыз етуді тапсырған болатынмын. Бір өңірден басқасының бәрі бұл тапсырманы мерзімінде орындады», - деп атап өтті Олжас Бектенов.
Тек Семей қаласында жылу желілері уақтылы дайын болмай шықты. Осыған байланысты Премьер-министр Абай облысы әкімінің аталған салаға жетекшілік ететін орынбасарын тәртіптік жауапкершілікке тартуды тапсырды.
