Серік Теміржанов тартысты жекпе-жекте жеңіске жетті

Фото: instagram.com/qaz_team_official

Астанада өтіп жатқан Әлем кубогының екінші жарыс күнінде Серік Теміржанов ширек финалға өтті, деп хабарлады Elordainfo.kz.

Әлем чемпионатының күміс жүлдегері Серік Теміржанов алғашқы кездесуінде Аустралияның жас спортшысы Якоб Кассармен жұдырық түйістіріп, 4:1 есебімен басым түсті.

«Алғашқы раундта қашықтықта жұмыс істеп, басым түстім. Екінші раундта соққы алмасуды жөн көріп, тактикама өзгеріс енгіздім. Төрешілер басымдықты қарсыласыма беріпті. Үшінші раундта қайта өз тактикама ауыстым. Нәтижесінде жеңіске жеттім. Қателіктермен жұмыс істеп, бұдан да жақсы дайындықпен шығамын», - деді Серік Теміржанов.

Енді отандасымыз 3 шілдеде рингке оралады.

#спорт