Елімізде 333 ұйым емдік-сауықтыру қызметін көрсетеді

Фото: Оңалхан Өнерхан

2025 жылғы 1 қаңтардағы жағдай бойынша, Қазақстанда санаторлық-курорттық қызметпен айналысатын 333 ұйым жұмыс істейді, деп хабарлады Elordainfo.kz.

«Емдеу және медициналық оңалту ұйымдарының ең көп саны Түркістан облысында орналасқан – 117 ұйым, екінші орында Алматы қаласы – 34 ұйым, үшінші орында Алматы облысы – 22 ұйым.

Барлық емдік-сауықтыру ұйымдарының 287 – шағын кәсіпорындар, 38 – орта кәсіпорындар, 8 – ірі кәсіпорындар», - делінген Ұлттық статистика бюросының хабарламасында.

Айта кетейік, меншік түрлері бойынша 86,5% немесе 288 ұйым жекеменшікке, 44 ұйым (13,2%) мемлекеттік меншікке, 1 ұйым шетелдік меншікке жатады.