Баянауылдан Қызыл кітапқа енген құстарды аулап, шетелге саудалағандар ұсталды

Фото: Polisia.kz

Павлодар облысында полиция қызметкерлері прокуратураның үйлестіруімен Қызыл кітапқа енген құстарды заңсыз түрде шетелге шығарған қылмыстық топты ұстады, деп хабарлайды Elordainfo.kz Polisia.kz-ке сілтеме жасап.

Сирек кездесетін құстарды Баянауыл мемлекеттік ұлттық табиғи паркінің аумағында ұстаған. Күдікті бір топ адамның ішінде Баянауыл ұлттық паркінің қызметкерлері де.

17 тінту шарасы жүргізіліп, нәтижесінде 40-тан астам құс, 5 қару, шамамен 200 оқ, құстарды ұстауға және тасымалдауға арналған құралдар, сондай-ақ басқа да маңызды айғақ болар заттар тәркіленді.

Мемлекетке келтірілген шығын көлемі 120 миллион теңгеден асады. Қазір сотқа дейінгі тергеп-тексеру жүргізіліп жатыр. Барлық ұсталғандар қамауға алынды.