Астана вокзалында бір адамды пышақтаған күдікті ұсталды

Иллюстрациялық сурет: freepik.com

Елорданың «Нұрлы Жол» теміржол вокзалында пышақ жарақатын салған күдікті ұсталды, деп хабарлады Elordainfo.kz Көліктегі полиция департаментінің баспасөз қызметіне сілтеме жасап.

«Астана станциясындағы желілік полиция басқармасымен пышақ жарақатын салу фактісі бойынша қылмыстық іс қозғалды. Күдікті жедел ұсталып, уақытша ұстау изоляторына қамаққа алынды.Жарақат алған азамат ауруханаға жеткізілді, оның жағдайы тұрақты. Қазіргі уақытта тергеу амалдары жүргізіліп жатыр. ҚР Қылмыстық-процесстік кодексінің 201-бабына сәйкес өзге ақпарат жариялауға жатпайды», - деп жазылған Көліктегі полиция департаментінің баспасөз хабарламасында.

Бұған дейін павлодарлық кәсіпкерді өлтірген күдікті Ресейден экстрадицияланғанын жаздық.