Ақтөбе облысының Ырғыз ауданынан 40 км қашықтықта «Самара-Шымкент» тас жолының жабық учаскесінде «Уфа - Самарқанд» жолаушылар автобусы жүк көлігімен соқтығысқан, деп хабарлады Elordainfo.kz Төтенше жағдайлар министрлігінің ресми Telegram-арнасына сілтеме жасап. 

ТЖМ құтқарушылары 33 шетел азаматын эвакуациялады.  

«ТЖМ қызметкерлері вахтовкамен 33 Өзбекстан азаматын жолдың қауіпсіз ашық учаскесінде орналасқан басқа автобусқа дейін эвакуациялады. Зардап шеккендер жоқ. ТЖМ ауа-райы жағдайы жолдағы жағдайды едәуір қиындатуы мүмкін екенін еске салады», - делінген хабарламада.